11 einföld ráð til að takast á við handbækur eða sjálfshjálpar-bækur.
Það sem að einkennir helst lestur á handbókum og sjálfshjálparbókum – eða svonefndum “Non-fiction” bókum almennt – er það að lestur þeirra er jafnan bundinn ákveðinni neyð eða nauðsyn.  Við erum að leita svara.  Þess vegna lesum við slíkt efni ekki eins og skáldsögu - þar sem við byrjum á fyrstu síðu og endum á þeirri síðustu.  Það má frekar líkja því við að lesa námsbók en munurinn er þó jafnvel töluverður þar líka.  Lestur námsbóka er sjaldan bundinn neyð – nema þá þeirri einföldu neyð að ná prófum.
Við lesum handbækur til þess að finna svar við vandamáli sem er að trufla okkur eða gera okkur erfitt fyrir.  Þetta gæti verið vandamál í vinnunni, heima fyrir, ástundun vegna áhugamáls eða tómstunda – eða í raun hvað sem er.  Það er hægt að nálgast gríðarlegt magn bóka í dag sem að fjalla um í raun - hvaðeina sem okkur hugnast – hvað sem okkur vantar.
Í stað þess að við förum og reynum að finna upp hjólið á ný – þá leitum við svara hjá fólki sem hefur leyst þetta sama vandamál hjá sér.  Sjáum hvað þau hafa gert og reynum að tileinka okkur lausn þeirra – okkur til hagsbóta.  Lærum af reynslu annarra.
Þess vegna er mjög gott að hafa þessi 11 einföldu skref í huga þegar þú ert að leita svara við vandamálinu sem er að trufla þig.

1.Hafðu skýra mynd af því hvaða vandamál þú þarft að leysa
2.Hafðu skýra mynd af því hvernig það myndi hjálpa þér að finna svarið
3.Finndu bókina sem þú telur hafa svarið
4.Skoðaðu efnisyfirlit
5.Finndu kaflann eða kaflana sem fjalla um efnið
6.Forlestu fyrstu og síðustu blaðsíður þess kafla
7.Nýttu 5 mínútur til að skanna efni kaflans
8.Merktu með blýanti við atriði sem þú telur hjálpa þér
9.Lestu kaflann í gegn með góðum skilningi – með markmiðið í huga
10.Leitaðu svara við vandamálinu þínu
11.Notaðu upplýsingarnar til að leysa vandamálið strax

Kíktu á nánari útlistun á hverju skrefi á h.is/handbaekur

Að endingu
Þessi listi er auðvitað ekki tæmandi fyrir það ferli sem við þurfum að nota en nýtist sem einföld skref í átt að nýta handbækur til að leysa úr einföldum vandamálum í vinnu, námi eða einkalífi.  Til hvers að finna upp hjólið?  Lausnir við vandamálum okkur má finna í aragrúa bóka sem gefnar hafa verið út.  Það er okkar að finna þessar lausnir – okkar að lesa þessar bækur og gera ferðina okkar aðeins ánægjulegri fyrir vikið.
Við þurfum einfaldlega að læra að takast á við vandamálin okkar eins og þegar við tökumst á við stórt púsluspil.  Þegar púslin eru öll í einni hrúgu – er erfitt að sjá lausnina.  Með því að skipta púslunum upp - erum við að einangra vandamálið – eigum þannig auðveldara með að sjá hvar lausnin liggur og svo tökum við eitt skref í einu – eitt púsl í einu – þar til að lausnin finnst.  Við höfum leyst vandamálið okkar.
Það sem ég vil helst benda þér á í þessari grein er að við lesum ekki allt efni með sama hætti.  Byrja á fyrstu síðu og svo blaðsíðu fyrir blaðsíðu.  Það eru til mun markvissari leiðir og það er okkar að kunna að takast á við mismunandi leiðir – mismunandi efni – þekkja hvenær við notum þær – og njótum þannig betur að lesa bækur.  Með markmið lesturs að leiðarljósi.

Mér fallast hendur yfir öllu sem ég þarf að lesa...

Framkvæmd og eftirfylgni í 90 daga ásamt vikulegum veffundum um nám, venjur, tímastjórnun o.fl.

"Eitt bros getur dimmu í dagsljós breytt."
- Einar Benediktsson, skáld (1864-1940)