Aftur í nám - vangaveltur um námsvenjur og námstækni og hvernig við getum auðveldað okkur skólagönguna – skref fyrir skref.
Það skiptir engu máli hvort stutt sé síðan að þú varst í námi og ert jafnvel að hefja aftur nám núna eftir sumarfrí eða ef það er langt síðan, jafnvel 5-10 ár síðan að þú sast á skólabekk síðast, það sem skiptir þig máli er að hafa í huga hve mikið góðar og markvissar námsvenjur og skýrari námstækni mun auðvelda þér vinnu í náminu á hverjum degi.  
En ég þarf eflaust ekki að segja þér það.  Ef þú ert meðal þeirra nemenda sem hafa sýnt námskeiðum Hraðlestrarskólans athygli þá hefur þú án efa sýnt fjölmörgum námstækninámskeiðum áhuga, og án  nokkurs vafa setið nokkur þeirra.  Ekki satt?  En hvað svo?  Hvað gerðist í náminu eftir að þú sast námskeiðið?

Vonsvik námskeiða
Í langflestum tilfellum breytist eitthvað til batnaðar hjá okkur.  Við lærum eitthvað sem við sjáum strax hag af að nýta okkur og það gerir okkur auðveldara um vik að sinna náminu.  En það voru án efa þó nokkuð margir þættir sem fjallað var um og okkur fannst spennandi en ekki eins áríðandi að tileinka okkur og því ákváðum við að einbeita okkur að einhverju einu ákveðnum þætti.  Þetta nefni ég vonsvik námskeiða því við náum sjaldan að breyta öllum þáttum eða tileinka okkur alla þætti og þurfum meiri tíma og er æviábyrgð námskeiða eitt svarið við því. 
Þannig náum við bara að breyta broti af því sem við þurftum og þar sem fæstum námstækninámskeiðum fylgir einhvers konar áætlun um eftirfylgni í framhaldi af námskeiði – þá fylgjum við því ekki sjálf eftir að halda áfram að bæta okkur eftir að nýrri venju hefur verið komið upp.

Mikilvægt að uppfæra námsvenjur
Um 95% af því sem við vitum um starfsemi heilans okkar eru upplýsingar sem hafa komið fram á síðustu tíu árum.  Þetta þýðir einfaldlega að við erum stöðugt að komast að nýrri og markvissari leiðum við að nýta hugann okkar af því að við erum stöðugt að læra nýja hluti um hann.  Það að halda í venjur sem við lærðum í grunnskóla eða menntaskóla – jafnvel þó það hafi bara verið fyrir 2-5 árum síðan - þýðir að við þurfum að uppfæra kunnáttu og færni okkar oftar.

Markmið annar:
Þú þarft því að hugsa hverja önn sem leið til að breyta 3-5 venjum – finna þær venjur sem eru að gera þér erfitt fyrir – finna leiðir sem auðvelda þér – gera þig markvissari. 

Góð leið til að finna þær venjur sem þarf að breyta er að leita uppi venjur sem ýta undir streitu, kvíða eða frestunarhneigð hjá okkur.  Ef einhver þessara atriða koma upp við vinnu okkar eru það skýr merki um það að við þurfum að finna og byggja upp betri venjur til að hjálpa okkur.  Þær gefa okkur hugmyndir að venjum sem hafa lokið sínum líftíma – dæmi um venju sem við tókum upp einhvern tímann á lífsleiðinni – en er nú að hamla okkur – hindra framför okkar.  Þessum venjum þurfum við að skipta út og setja nýjar markvissari venjur í staðinn.

Að lokum
Það sem skiptir þó mestu máli er að vita af því að þetta er alltaf spurning um að breyta venjum og þeim breytir þú aðeins með tímanum.  Þú verður að átta þig á því að það er ekki auðvelt – því gamlar venjur sitja fast og minna á sig – nýjar venjur eru yfirleitt óþægilegar og óþjálar – í upphafi.  Þess vegna verður það okkur erfitt að koma þeim inn í kerfið okkar – teljum jafnan að merki um það hvað þær eru óþægilegar sé í raun skýrt dæmi um að þær séu rangar.  Vandamálið er oft það að við hugsum ekki út í það þegar við lærum eitthvað nýtt þá er það okkur – alltaf – óþjált í upphafi. 
Við þurfum að gefa okkur tímann til að þjálfa þessa færni – koma upp nýrri venju. Vera þolinmóð og leyfa tímanum að vinna með okkur.  Setja upp áætlun – áætlun til 90 daga eða 180 daga þar sem við erum dag fyrir dag að taka jákvæð skref í átt að betri námsvenjum og auðveldara lífi í náminu.

Ég get lifað eðlilegu, daglegu lífi

Hraðlestrarkrakkar - námskeið fyrir 9 til 12 ára

"Eitt bros getur dimmu í dagsljós breytt."
- Einar Benediktsson, skáld (1864-1940)